[verse 1]
Neigbour, neighbour, open de door neighbour
It's Christmas morning, you should be waking
Put de drinks on de table, ah hope you are able
Me and de boys come to give you ah Parang
We eh leaving til de liqour done

[chorus]
Oh yo yo, aye aye aye
Come on fellas, leh we take ah next one
Oh yo yo, aye aye aye
We have about ten more home to clean
Oh yo yo, aye aye aye
We drinking from paint to kerosene
Oh yo yo, aye aye aye
It's Christmas, Merry Christmas
It's Christmas, Merry Christmas

[verse 2]
Last year we went by Balliram
He play smart and hide de ham
Bring one bottle ah babash
De ting finish with one lash
Ah say leave de man house quick
He say he wife was feeling sick
Dat same night she was liming Quasier
Well if he tink dat he get away

[chorus]
Oh yo yo, aye aye aye
We going by he and spend de whole day
Oh yo yo, aye aye aye
We eating and drink everything he bring
Oh yo yo, aye aye aye
When we leave dey he must'n have ah ting
Oh yo yo, aye aye aye
It's Christmas, Merry Christmas
It's Christmas, Merry Christmas

[verse 3]
Big mouth Charlie invite we home by he
Boy must be ah mad man to entertain dis parang band
When de music in we vein and de liqour hit we brain
This band could drink out Carib and Fernandez
When you see we land in yuh house

[chorus]
Oh yo yo, aye aye aye
De only ting remaining is yuh spouse
Oh yo yo, aye aye aye
People does lock dey door run and hide
Oh yo yo, aye aye aye
When dey see de size ah dis parang side
Oh yo yo, aye aye aye
It's Christmas, Merry Christmas
It's Christmas, Merry Christmas

[verse 3]
This whole night Sprangalang liming with de parang
He drink by everybody, we decided to go by he
When we reach in front de gate, we know it was a mistake
De man wife came out cussing in she nightie
He wife quarrelling, we feeling bad

[chorus]
Oh yo yo, aye aye aye
He had to entertain we in de yard
Oh yo yo, aye aye aye
De man didnt 'have shame, is he tell we come
Oh yo yo, aye aye aye
He bring out two cokes and ah nip a rum
Oh yo yo, aye aye aye
It's Christmas, Merry Christmas
It's Christmas, Merry Christmas

[chorus]
De parang does start on Christmas Day
Oh yo yo, aye aye aye
And we doh stop until Ash Wednesday
Oh yo yo, aye aye aye
So bring out de souse, bring out de pelau
Oh yo yo, aye aye aye
Bring out de dasheen and de bakalau
Oh yo yo, aye aye aye
We drinking sorrel, ginger beer, whiskey
Oh yo yo, aye aye aye
Anything you bring is alright with we
Oh yo yo, aye aye aye
Oh yo yo, aye aye aye
Oh yo yo, aye aye aye
Oh yo yo, aye aye aye
We eating blackcake, applecrepe, saltprunes
Oh yo yo, aye aye aye
Bring out something salt before de next tune
Oh yo yo, aye aye aye
We drinking Puncheon, homemade wine and Vat
Oh yo yo, aye aye aye
But if you bring babash, we drinking dat
It's Christmas, Merry Christmas
It's Christmas, Merry Christmas
Oh yo yo, aye aye aye
It's Christmas, Merry Christmas
It's Christmas, Merry Christmas